ਟੀਮ ਇੰਡੀਆ ਨੇ ਫਿਰ ਜਿੱਤਿਆ ਗੋਲਡ ਮੈਡਲ, ਪਾਕਿਸਤਾਨ ਨੂੰ ਧੂੜ ਚਟਾ ਕੇ ਦੂਜੀ ਵਾਰ ਬਣੀ ਚੈਂਪੀਅਨ

ਮੁਕਾਬਲੇ ਦੀ ਸ਼ੁਰੂਆਤ ਵਿੱਚ ਭਾਰਤੀ ਟੀਮ ਲਈ ਬੱਲੇਬਾਜ਼ੀ ਕਰਨ ਉਤਰੇ ਵੈਭਵ ਸੂਰਿਆਵੰਸ਼ੀ ਅਤੇ ਅਭਿਸ਼ੇਕ ਸ਼ਰਮਾ ਨੇ ਤਾਬੜਤੋੜ ਸ਼ੁਰੂਆਤ ਕੀਤੀ। ਦੋਵਾਂ ਨੇ ਪਹਿਲੇ 2 ਓਵਰਾਂ ਵਿੱਚ ਹੀ ਤੇਜ਼ੀ ਨਾਲ 28 ਦੌੜਾਂ ਜੋੜ ਦਿੱਤੀਆਂ। ਹਾਲਾਂਕਿ, ਵੈਭਵ ਤੀਜੇ ਓਵਰ ਵਿੱਚ ਹੀ ਆਪਣਾ ਵਿਕਟ ਗੁਆ ਬੈਠੇ ਅਤੇ ਇਸ ਤੋਂ ਤੁਰੰਤ ਬਾਅਦ ਸੰਜੂ ਸੈਮਸਨ ਵੀ ਕ੍ਰੀਜ਼ ਤੇ ਜ਼ਿਆਦਾ ਸਮਾਂ ਨਾ ਟਿਕ ਸਕੇ। ਦੂਜੇ ਪਾਸੇ, ਸਲਾਮੀ ਬੱਲੇਬਾਜ਼ ਅਭਿਸ਼ੇਕ ਸ਼ਰਮਾ ਨੇ ਆਪਣੇ ਹਮਲਾਵਰ ਤੇਵਰ ਜਾਰੀ ਰੱਖੇ ਅਤੇ ਸਿਰਫ਼ 20 ਗੇਂਦਾਂ ਵਿੱਚ ਆਪਣਾ ਸ਼ਾਨਦਾਰ ਅਰਧ ਸੈਂਕੜਾ ਪੂਰਾ ਕੀਤਾ। ਅਭਿਸ਼ੇਕ ਨੇ ਮਹਿਜ਼ 28 ਗੇਂਦਾਂ ਦਾ ਸਾਹਮਣਾ ਕਰਦਿਆਂ 61 ਦੌੜਾਂ ਦੀ ਧਮਾਕੇਦਾਰ ਪਾਰੀ ਖੇਡੀ।

ਪਾਕਿਸਤਾਨ ਦੀ ਖ਼ਰਾਬ ਸ਼ੁਰੂਆਤ, ਹਸਨ ਨਵਾਜ਼ ਦਾ ਜਵਾਬੀ ਹਮਲਾ

212 ਦੌੜਾਂ ਦੇ ਟੀਚੇ ਦਾ ਪਿੱਛਾ ਕਰਨ ਉਤਰੀ ਪਾਕਿਸਤਾਨੀ ਕ੍ਰਿਕਟ ਟੀਮ ਦੀ ਸ਼ੁਰੂਆਤ ਕਾਫ਼ੀ ਨਿਰਾਸ਼ਾਜਨਕ ਰਹੀ। ਭਾਰਤੀ ਗੇਂਦਬਾਜ਼ਾਂ ਨੇ ਕਸੀ ਹੋਈ ਲਾਈਨ-ਲੈਂਥ ਨਾਲ ਹਮਲਾ ਬੋਲਿਆ ਅਤੇ ਪਾਕਿਸਤਾਨ ਨੇ ਮਹਿਜ਼ 39 ਦੌੜਾਂ ਦੇ ਸਕੋਰ ਤੇ ਹੀ ਆਪਣੇ 3 ਅਹਿਮ ਵਿਕਟ ਗੁਆ ਲਏ। ਭਾਰਤ ਵੱਲੋਂ ਸ਼ਾਨਦਾਰ ਸਪਿਨ ਗੇਂਦਬਾਜ਼ੀ ਕਰਦਿਆਂ ਅਕਸ਼ਰ ਪਟੇਲ ਨੇ 2 ਮੁੱਖ ਬੱਲੇਬਾਜ਼ਾਂ ਨੂੰ ਪਵੇਲੀਅਨ ਦਾ ਰਾਹ ਦਿਖਾਇਆ, ਜਦਕਿ ਵਾਸ਼ਿੰਗਟਨ ਸੁੰਦਰ ਨੇ 1 ਵਿਕਟ ਹਾਸਲ ਕਰਕੇ ਵਿਰੋਧੀ ਟੀਮ ਤੇ ਦਬਾਅ ਵਧਾ ਦਿੱਤਾ।

ਸ਼ੁਰੂਆਤੀ ਝਟਕਿਆਂ ਤੋਂ ਬਾਅਦ ਪਾਕਿਸਤਾਨ ਦੇ ਬੱਲੇਬਾਜ਼ ਹਸਨ ਨਵਾਜ਼ ਨੇ ਇਕੱਲੇ ਦਮ ਤੇ ਮੋਰਚਾ ਸੰਭਾਲਿਆ ਅਤੇ ਭਾਰਤੀ ਗੇਂਦਬਾਜ਼ਾਂ ਖ਼ਿਲਾਫ਼ ਚੌਕੇ-ਛੱਕੇ ਜੜਨੇ ਸ਼ੁਰੂ ਕਰ ਦਿੱਤੇ। ਹਾਲਾਂਕਿ, ਹਸਨ ਨਵਾਜ਼ ਦੀ ਪਾਰੀ ਦੀ ਸ਼ੁਰੂਆਤ ਵਿੱਚ ਹੀ ਜਦੋਂ ਉਹ ਸਿਰਫ਼ 4 ਦੌੜਾਂ ਤੇ ਸਨ, ਤਾਂ ਵੈਭਵ ਸੂਰਿਆਵੰਸ਼ੀ ਕੋਲੋਂ ਉਨ੍ਹਾਂ ਦਾ ਇੱਕ ਆਸਾਨ ਕੈਚ ਛੁੱਟ ਗਿਆ ਸੀ, ਜਿਸ ਦਾ ਫ਼ਾਇਦਾ ਉਠਾਉਂਦਿਆਂ ਉਨ੍ਹਾਂ ਨੇ ਤੇਜ਼ੀ ਨਾਲ ਸਕੋਰ ਬੋਰਡ ਨੂੰ ਅੱਗੇ ਤੋਰਿਆ। ਪਰ ਅੰਤ ਵਿੱਚ ਭਾਰਤੀ ਟੀਮ ਨੇ ਮੈਚ ਤੇ ਆਪਣੀ ਮਜ਼ਬੂਤ ਪਕੜ ਬਣਾਈ ਰੱਖੀ ਅਤੇ ਖ਼ਿਤਾਬੀ ਮੁਕਾਬਲਾ ਜਿੱਤ ਕੇ ਗੋਲਡ ਮੈਡਲ ਆਪਣੇ ਨਾਂ ਕਰ ਲਿਆ।

HOMEPAGE:-http://PUNJABDIAL.IN