ਜੋਤਸ਼ੀ ਨੇ ਕੀਤਾ ਖੁਲਾਸਾ, “ਐਸ਼ਵਰਿਆ ਤੇ ਅਭਿਸ਼ੇਕ ਦਾ ਰਿਸ਼ਤਾ ਹੋਇਆ ਖ਼ਤਮ, ਹੁਣ ਕਰ ਰਹੇ ਸਿਰਫ਼ ਦਿਖਾਵਾ”

ਸੋਸ਼ਲ ਮੀਡੀਆ ਉੱਤੇ ਐਸ਼ਵਰਿਆ ਰਾਏ (Aishwarya Rai) ਅਤੇ ਅਭਿਸ਼ੇਕ ਬੱਚਨ ਦੇ ਤਲਾਕ ਦੀਆਂ ਖ਼ਬਰਾਂ ਜ਼ੋਰ ਫੜ ਰਹੀਆਂ ਹਨ। ਬੀਤੇ ਕਾਫ਼ੀ ਸਮੇਂ ਤੋਂ ਚਰਚਾਵਾਂ ਦਾ ਬਾਜ਼ਾਰ ਗਰਮ ਹੈ ਕਿ ਦੋਵੇਂ ਇਕੱਠੇ ਨਹੀਂ ਰਹਿ ਰਹੇ ਹਨ ਤੇ ਬਹੁਤ ਜਲਦ ਇਹ ਰਿਸ਼ਤਾ ਖ਼ਤਮ ਹੋ ਸਕਦਾ ਹੈ। ਕੁਝ ਸਮਾਂ ਪਹਿਲਾਂ ਖ਼ਬਰ ਆਈ ਸੀ ਕਿ ਅਭਿਸ਼ੇਕ ਬੱਚਨ ਦਾ ਅਭਿਨੇਤਰੀ ਨਿਮਰਤ ਕੌਰ ਨਾਲ ਅਫੇਅਰ ਚੱਲ ਰਿਹਾ ਹੈ। ਜਦੋਂ ਐਸ਼ਵਰਿਆ ਰਾਏ ਨੂੰ ਇਸ ਬਾਰੇ ਪਤਾ ਲੱਗਾ ਤਾਂ ਅਭਿਸ਼ੇਕ ਬੱਚਨ (Abhishek Bachchan) ਨਾਲ ਉਨ੍ਹਾਂ ਦਾ ਰਿਸ਼ਤਾ ਕਾਫ਼ੀ ਖ਼ਰਾਬ ਹੋ ਗਿਆ।

ਪਰ ਹੁਣ ਇਸ ਦੌਰਾਨ ਸੋਸ਼ਲ ਮੀਡੀਆ ‘ਤੇ ਇਕ ਵੀਡੀਓ ਲਗਾਤਾਰ ਵਾਇਰਲ ਹੋ ਰਿਹਾ ਹੈ। ਇਸ ਵਾਇਰਲ ਵੀਡੀਓ ‘ਚ ਸਿਧਾਰਥ ਕਾਨਨ ਜੋਤਿਸ਼ ਨਾਲ ਬੈਠ ਕੇ ਐਸ਼ਵਰਿਆ ਰਾਏ (Aishwarya Rai) ਅਤੇ ਅਭਿਸ਼ੇਕ ਬੱਚਨ ਦੇ ਰਿਸ਼ਤੇ ਬਾਰੇ ਗੱਲ ਕਰਦੇ ਨਜ਼ਰ ਆ ਰਹੇ ਹਨ। ਸਿਧਾਰਥ ਨੇ ਜੋਤਸ਼ੀ ਨੂੰ ਸਵਾਲ ਕਰਦੇ ਹੋਏ ਕਿਹਾ ਕਿ ਸੁਣਨ ਵਿੱਚ ਆਇਆ ਹੈ ਕਿ ਐਸ਼ਵਰਿਆ ਰਾਏ (Aishwarya Rai) ਮੰਗਲਿਕ ਹੈ ਅਤੇ ਅਭਿਸ਼ੇਕ ਬੱਚਨ ਨਾਲ ਵਿਆਹ ਕਰਨ ਤੋਂ ਪਹਿਲਾਂ ਉਸ ਨੇ ਇਕ ਦਰੱਖ਼ਤ ਨਾਲ ਵਿਆਹ ਕੀਤਾ ਸੀ। ਕੀ ਇਹ ਸੱਚ ਹੈ?

ਇਸ ‘ਤੇ ਜੋਤਿਸ਼ ਨੇ ਜਵਾਬ ਦਿੱਤਾ, “ਇਹ ਸੱਚ ਹੈ। ਪਰ ਕੀ ਇਸ ਵਿਆਹ ਨੂੰ ਬਚਾਇਆ ਜਾ ਸਕਦਾ ਹੈ? ਵਿਆਹ ਪਹਿਲਾਂ ਹੀ ਖਤਮ ਹੋ ਚੁੱਕਾ ਹੈ। ਇਸ ਨੂੰ ਸਿਰਫ ਖਿੱਚਿਆ ਜਾ ਰਿਹਾ ਹੈ। ਪਰਿਵਾਰਕ ਸੈਲੀਬ੍ਰਿਟੀ ਸਟੇਟਸ ਦੇ ਨਾਲ-ਨਾਲ ਸਭ ਤੋਂ ਮਹੱਤਵਪੂਰਨ ਚੀਜ਼ ਉਨ੍ਹਾਂ ਦਾ ਬੱਚਾ ਹੈ। ਮਾਪੇ ਹੋਣ ਦੇ ਨਾਤੇ ਹੁਣ ਇਸ ਰਿਸ਼ਤੇ ਨੂੰ ਸਿਰਫ ਖਿੱਚਿਆ ਜਾ ਰਿਹਾ ਹੈ। ਇਨ੍ਹਾਂ ਦਾ ਵਿਆਹ ਕਾਫ਼ੀ ਸਮਾਂ ਪਹਿਲਾਂ ਖਤਮ ਹੋ ਚੁੱਕਾ ਹੈ। ਇਸ ਵੇਲੇ ਇਹ ਸਿਰਫ਼ ਦਿਖਾਵਾ ਕਰ ਰਹੇ ਹਨ।”

ਜੋਤਸ਼ੀ ਦੀ ਇਹ ਵੀਡੀਓ ਹੁਣ ਸੋਸ਼ਲ ਮੀਡੀਆ ‘ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਹੀ ਹੈ ਅਤੇ ਲੋਕ ਲਗਾਤਾਰ ਕਮੈਂਟ ਵੀ ਕਰਦੇ ਨਜ਼ਰ ਆ ਰਹੇ ਹਨ। ਇੱਕ ਯੂਜ਼ਰ ਦਾ ਮੰਨਣਾ ਹੈ ਕਿ ਐਸ਼ਵਰਿਆ ਰਾਏ (Aishwarya Rai) ਨੇ ਇਸ ਆਦਮੀ ਲਈ ਆਪਣਾ ਪੂਰਾ ਕਰੀਅਰ ਬਰਬਾਦ ਕਰ ਦਿੱਤਾ ਹੈ। ਇੱਕ ਹੋਰ ਯੂਜ਼ਰ ਨੇ ਲਿਖਿਆ ਕਿ ਅਜਿਹੀ ਸਫ਼ਲ ਔਰਤ ਨੂੰ ਸਿੰਗਲ ਰਹਿਣਾ ਚਾਹੀਦਾ ਹੈ। ਇੱਕ ਹੋਰ ਯੂਜ਼ਰ ਨੇ ਲਿਖਿਆ ਕਿ ਹਰ ਮਰਦ ਇੱਕ ਸਫ਼ਲ ਔਰਤ ਨੂੰ ਸੰਭਾਲ ਨਹੀਂ ਸਕਦਾ।

HOMEPAGE:-http://PUNJABDIAL.IN