ਸਰਦੀਆਂ ਵਿੱਚ ਸਕਿਨ ਖੁਸ਼ਕ ਹੋਣ ਲੱਗਦੀ ਹੈ ਅਤੇ ਇਸੇ ਕਾਰਨ ਚਿਹਰੇ ਦੀ ਚਮਕ ਵੀ ਫਿੱਕੀ ਪੈ ਜਾਂਦੀ ਹੈ। ਤੁਸੀਂ ਆਪਣੀ Skin Care ਰੁਟੀਨ ਵਿੱਚ ਫੁੱਲਾਂ ਨੂੰ ਸ਼ਾਮਲ ਕਰ ਸਕਦੇ ਹੋ।
ਇਸ ਨਾਲ ਸਕਿਨ ਨੂੰ ਪੋਸ਼ਣ ਮਿਲੇਗਾ ਅਤੇ ਚਿਹਰਾ ਨਰਮ, ਚਮਕਦਾਰ ਤੇ ਤਾਜ਼ਗੀ ਭਰਿਆ ਦਿਖਾਈ ਦੇਵੇਗਾ।
ਕੈਲੰਡੁਲਾ (ਕੈਲੇਂਡੁਲਾ): ਸਰਦੀਆਂ ਵਿੱਚ ਕੈਲੰਡੁਲਾ ਦਾ ਫੁੱਲ ਆਸਾਨੀ ਨਾਲ ਉਗਾਇਆ ਜਾ ਸਕਦਾ ਹੈ। ਤੁਸੀਂ ਇਸ ਨੂੰ ਆਪਣੇ ਘਰ ਦੇ ਗਮਲੇ ਵਿੱਚ ਵੀ ਲਗਾ ਸਕਦੇ ਹੋ। ਬਾਜ਼ਾਰ ਵਿੱਚ ਇਸ ਫੁੱਲ ਤੋਂ ਬਣੀਆਂ Skin Care Creams ਵੀ ਮਿਲਦੀਆਂ ਹਨ। ਇਹ ਫੁੱਲ ਕਈ ਗੁਣਾਂ ਨਾਲ ਭਰਪੂਰ ਹੁੰਦਾ ਹੈ, ਜੋ ਸਕਿਨ ਦੇ ਹਲਕੇ ਜ਼ਖ਼ਮਾਂ, ਲਾਲੀ, ਸੋਜ ਅਤੇ ਖੁਜਲੀ ਨੂੰ ਘਟਾਉਣ ਵਿੱਚ ਮਦਦਗਾਰ ਹੋ ਸਕਦਾ ਹੈ। ਇਸ ਨਾਲ ਚਿਹਰੇ ‘ਤੇ ਤਾਜ਼ਗੀ ਵੀ ਆਉਂਦੀ ਹੈ। ਇਸ ਫੁੱਲ ਦੀਆਂ ਪੱਤੀਆਂ ਨੂੰ ਜੈਤੂਨ ਜਾਂ ਬਦਾਮ ਦੇ ਤੇਲ ਵਿੱਚ ਪਾ ਕੇ ਰੱਖ ਸਕਦੇ ਹੋ। ਇਸ ਤੇਲ ਨੂੰ ਚਿਹਰੇ ‘ਤੇ ਲਗਾਓ। ਹਲਕੀ ਅੱਗ ‘ਤੇ ਉਬਾਲਣ ਤੋਂ ਬਾਅਦ ਬਚੇ ਹੋਏ ਪਾਣੀ ਨੂੰ ਛਾਣ ਕੇ ਟੋਨਰ ਵਜੋਂ ਵਰਤਿਆ ਜਾ ਸਕਦਾ ਹੈ। ਇਸ ਤੋਂ ਇਲਾਵਾ, ਪੱਤੀਆਂ ਨੂੰ ਪੀਸ ਕੇ ਦੁੱਧ ਦੀ ਮਲਾਈ ਨਾਲ ਮਿਲਾ ਕੇ Face Pack ਵੀ ਬਣਾ ਸਕਦੇ ਹੋ।
ਗੁੜਹਲ (Hibiscus): ਸਕਿਨ ਦੀ ਦੇਖਭਾਲ ਲਈ ਗੁੜਹਲ ਦਾ ਫੁੱਲ ਵੀ ਬਹੁਤ ਫਾਇਦੇਮੰਦ ਮੰਨਿਆ ਜਾਂਦਾ ਹੈ। ਜੇਕਰ ਤੁਸੀਂ ਖੁਸ਼ਕ ਸਕਿਨ ਤੋਂ ਪਰੇਸ਼ਾਨ ਹੋ ਤਾਂ ਇਸ ਫੁੱਲ ਨੂੰ ਪੀਸ ਕੇ ਪੇਸਟ ਬਣਾ ਲਓ ਅਤੇ ਇਸ ਵਿੱਚ ਦਹੀਂ ਤੇ ਸ਼ਹਿਦ ਮਿਲਾ ਕੇ ਚਿਹਰੇ ‘ਤੇ ਲਗਾਓ। ਇਸ ਨੂੰ ‘Natural Botox’ ਵੀ ਕਿਹਾ ਜਾਂਦਾ ਹੈ, ਕਿਉਂਕਿ ਇਹ ਫੁੱਲ ਮਰੀ ਹੋਈ ਸਕਿਨ ਨੂੰ ਹਟਾਉਣ ਅਤੇ ਚਿਹਰੇ ‘ਤੇ ਨਿਖਾਰ ਲਿਆਉਣ ਵਿੱਚ ਮਦਦ ਕਰਦਾ ਹੈ।
ਹਰਸਿੰਗਾਰ (Night-flowering Jasmine): ਹਰਸਿੰਗਾਰ (ਪਾਰਿਜਾਤ) ਦੇ ਫੁੱਲ ਨੂੰ ਸਕਿਨ ਲਈ ਬੇਹੱਦ ਫਾਇਦੇਮੰਦ ਮੰਨਿਆ ਜਾਂਦਾ ਹੈ। ਇਸ ਵਿੱਚ ਸੋਜ ਘਟਾਉਣ ਵਾਲੇ ਅਤੇ ਐਂਟੀਬੈਕਟੀਰੀਅਲ ਗੁਣ ਹੁੰਦੇ ਹਨ। ਇਹ ਦਾਗ-ਧੱਬਿਆਂ, ਝੁਰੜੀਆਂ ਅਤੇ ਮੁਹਾਂਸਿਆਂ ਨੂੰ ਘਟਾਉਣ ਵਿੱਚ ਮਦਦਗਾਰ ਹੋ ਸਕਦਾ ਹੈ। ਇਸ ਨੂੰ ਪਾਣੀ ਵਿੱਚ ਉਬਾਲ ਕੇ ਟੋਨਰ ਵਜੋਂ ਵਰਤਿਆ ਜਾ ਸਕਦਾ ਹੈ। ਇਸ ਤੋਂ ਇਲਾਵਾ, ਫੁੱਲਾਂ ਨੂੰ ਪੀਸ ਕੇ ਕੱਚੇ ਦੁੱਧ ਅਤੇ ਚੰਦਨ ਪਾਊਡਰ ਨਾਲ ਮਿਲਾ ਕੇ Face Pack ਤਿਆਰ ਕਰ ਸਕਦੇ ਹੋ। ਗੁਲਾਬ ਜਲ ਅਤੇ ਐਲੋਵੇਰਾ ਨਾਲ ਮਿਲਾ ਕੇ ਇਸ ਨੂੰ ਨਾਈਟ ਕ੍ਰੀਮ ਵਜੋਂ ਵੀ ਵਰਤਿਆ ਜਾ ਸਕਦਾ ਹੈ।
ਗੇਂਦਾ (Marigold): ਗੇਂਦੇ ਦੇ ਫੁੱਲ ਨੂੰ ਵੀ ਖੁਸ਼ਕ ਅਤੇ ਫਟੀ ਹੋਈ ਸਕਿਨ ਦੀ ਦੇਖਭਾਲ ਲਈ ਬਹੁਤ ਫਾਇਦੇਮੰਦ ਮੰਨਿਆ ਜਾਂਦਾ ਹੈ। ਇਹ ਸਕਿਨ ਦੀ ਐਲਰਜੀ ਨੂੰ ਘਟਾਉਣ ਅਤੇ ਦਾਗ-ਧੱਬਿਆਂ ਨੂੰ ਹਲਕਾ ਕਰਨ ਵਿੱਚ ਮਦਦ ਕਰ ਸਕਦਾ ਹੈ। ਇਸ ਨਾਲ ਸਕਿਨ ਨੂੰ ਤਾਜ਼ਗੀ ਮਿਲਦੀ ਹੈ। ਇਸ ਫੁੱਲ ਨੂੰ ਪੀਸ ਕੇ ਸ਼ਹਿਦ ਵਿੱਚ ਮਿਲਾ ਕੇ ਚਿਹਰੇ ‘ਤੇ ਲਗਾ ਸਕਦੇ ਹੋ। ਇਸ ਵਿੱਚ ਦਹੀਂ, ਕੱਚਾ ਦੁੱਧ ਅਤੇ ਚੰਦਨ ਪਾਊਡਰ ਮਿਲਾਉਣਾ ਵੀ ਚੰਗਾ ਰਹਿੰਦਾ ਹੈ। ਇਸ ਨੂੰ ਪਾਣੀ ਵਿੱਚ ਉਬਾਲ ਕੇ ਸਪਰੇਅ ਬੋਤਲ ਵਿੱਚ ਭਰ ਲਓ ਅਤੇ ਦਿਨ ਵਿੱਚ ਦੋ ਵਾਰ ਚਿਹਰੇ ‘ਤੇ ਸਪਰੇਅ ਕਰ ਸਕਦੇ ਹੋ। ਇਸ ਨੂੰ ਦਰਦਰਾ ਪੀਸ ਕੇ ਹਲਕੇ ਸਕ੍ਰਬ ਵਜੋਂ ਵਰਤਣਾ ਵੀ ਇੱਕ ਤਰੀਕਾ ਹੈ।
ਦੇਸੀ ਗੁਲਾਬ (Rose): Skin Care ਵਿੱਚ ਹਮੇਸ਼ਾ ਦੇਸੀ ਗੁਲਾਬ ਦੀ ਵਰਤੋਂ ਕਰਨੀ ਚਾਹੀਦੀ ਹੈ। ਇਸ ਦਾ ਰਸ ਸਿੱਧਾ ਚਿਹਰੇ ‘ਤੇ ਲਗਾਇਆ ਜਾ ਸਕਦਾ ਹੈ। ਇਸ ਤੋਂ ਇਲਾਵਾ, ਤਾਜ਼ੇ ਗੁਲਾਬ ਦੀਆਂ ਪੱਤੀਆਂ ਨੂੰ ਪੀਸ ਕੇ ਦੁੱਧ ਦੀ ਮਲਾਈ, ਦਹੀਂ ਜਾਂ ਸ਼ਹਿਦ ਵਿੱਚ ਮਿਲਾ ਕੇ ਚਿਹਰੇ ‘ਤੇ ਲਗਾਓ। ਇਸ ਨਾਲ ਚਿਹਰੇ ‘ਤੇ ਤੁਰੰਤ ਤਾਜ਼ਗੀ ਅਤੇ ਨਰਮਾਹਟ ਮਹਿਸੂਸ ਹੁੰਦੀ ਹੈ।

Leave a Reply