ਸਰਦੀਆਂ ‘ਚ ਹੱਡੀਆਂ ਦੇ ਦਰਦ ਨੂੰ ਦੂਰ ਕਰ ਦੇਣਗੇ ਇਹ ਸੁਆਦਲੇ ਲੱਡੂ, ਜਾਣੋ ਬਣਾਉਣ ਦੀ ਆਸਾਨ ਵਿਧੀ

ਸਰਦੀਆਂ ਵਿੱਚ ਜ਼ਿਆਦਾਤਰ ਲੋਕ ਖੰਘ, ਬੁਖਾਰ, ਫਲੂ, ਸਰੀਰ ਦਰਦ, ਗਲੇ ਦੀ ਖਰਾਸ਼ ਅਤੇ ਇਨਫੈਕਸ਼ਨ ਦੇ ਨਾਲ ਹੱਡੀਆਂ ਦੇ ਦਰਦ ਤੋਂ ਪ੍ਰੇਸ਼ਾਨ ਰਹਿੰਦੇ ਹਨ ਹਨ। ਅਜਿਹੀ ਸਥਿਤੀ ਵਿੱਚ, ਤੁਹਾਡੇ ਲਈ ਆਪਣੇ ਆਪ ਨੂੰ ਅੰਦਰੋਂ ਗਰਮ ਰੱਖਣਾ ਜ਼ਰੂਰੀ ਹੈ।

ਜੇਕਰ ਸਰੀਰ ਅੰਦਰੋਂ ਤੰਦਰੁਸਤ ਅਤੇ ਨਿੱਘਾ ਰਹੇਗਾ ਤਾਂ ਬਾਹਰ ਦੀ ਠੰਡੀ ਹਵਾ ਤੁਹਾਡਾ ਕੋਈ ਨੁਕਸਾਨ ਨਹੀਂ ਕਰ ਸਕੇਗੀ। ਇਸ ਦੇ ਲਈ ਤੁਹਾਨੂੰ ਆਪਣੀ ਡਾਈਟ ‘ਚ ਕੁਝ ਚੀਜ਼ਾਂ ਨੂੰ ਸ਼ਾਮਲ ਕਰਨਾ ਜ਼ਰੂਰੀ ਹੁੰਦਾ ਹੈ, ਜਿਸ ਨਾਲ ਸਰੀਰ ਮਜ਼ਬੂਤ ​​ਹੋਵੇਗਾ।

ਇਸ ਦੇ ਲਈ ਤੁਹਾਨੂੰ ਪੌਸ਼ਟਿਕ ਲੱਡੂਆਂ ਦਾ ਸੇਵਨ ਕਰਨਾ ਚਾਹੀਦਾ ਹੈ। ਇਹ 100% ਦੇਸੀ ਘਰੇਲੂ ਲੱਡੂ ਹਨ। ਅਸੀਂ ਗੱਲ ਕਰ ਰਹੇ ਹਾਂ ਗੂੰਦ ਦੇ ਲੱਡੂ ਦੀ। ਆਓ ਜਾਣਦੇ ਹਾਂ ਕਿ ਤੁਸੀਂ ਘਰ ਵਿੱਚ ਗੂੰਦ ਦੇ ਲੱਡੂ ਕਿਵੇਂ ਬਣਾ ਸਕਦੇ ਹੋ।

ਗੂੰਦ ਦਾ ਲੱਡੂ ਬਣਾਉਣ ਲਈ ਸਮੱਗਰੀ
300 ਗ੍ਰਾਮ ਘਿਓ, 125 ਗ੍ਰਾਮ ਗੂੰਦ, 30 ਗ੍ਰਾਮ ਕਾਲੀ ਮਿਰਚ, 700 ਗ੍ਰਾਮ ਆਟਾ, 300 ਗ੍ਰਾਮ ਪਾਊਡਰ ਸ਼ੂਗਰ, 150 ਗ੍ਰਾਮ ਕੱਟੇ ਹੋਏ ਬਦਾਮ, 100 ਗ੍ਰਾਮ ਪੀਸਿਆ ਹੋਇਆ ਨਾਰੀਅਲ

ਗੂੰਦ ਦਾ ਲੱਡੂ ਬਣਾਉਣ ਲਈ ਹੇਠ ਲਿੱਖੇ ਸਟੈੱਪ ਫਾਲੋ ਕਰੋ:
ਸਭ ਤੋਂ ਪਹਿਲਾਂ ਇੱਕ ਵੱਡੇ ਪੈਨ ਵਿੱਚ ਘਿਓ ਗਰਮ ਕਰੋ। ਹੁਣ ਇਸ ‘ਚ ਗੂੰਦ ਪਾ ਕੇ ਫਰਾਈ ਕਰੋ। ਇਸ ਨੂੰ ਫੁੱਲਣ ਤੱਕ ਫਰਾਈ ਕਰੋ। ਇਸ ਨੂੰ ਬਾਹਰ ਕੱਢ ਕੇ ਇਕ ਵੱਖਰੇ ਭਾਂਡੇ ਵਿਚ ਰੱਖ ਲਓ।
ਕਾਲੀ ਮਿਰਚ ਨੂੰ ਭੁੰਨ ਲਓ। ਹੁਣ ਇਸ ਨੂੰ ਬਾਹਰ ਕੱਢ ਕੇ ਮੋਟੇ ਤੌਰ ‘ਤੇ ਪੀਸ ਲਓ। ਹੁਣ ਘਿਓ ਵਿੱਚ ਆਟਾ ਪਾਓ ਅਤੇ 30-40 ਮਿੰਟਾਂ ਤੱਕ ਲਗਾਤਾਰ ਹਿਲਾਉਂਦੇ ਹੋਏ ਘੱਟ ਸੇਕ ‘ਤੇ ਪਕਾਓ, ਜਦੋਂ ਤੱਕ ਇਹ ਹਲਕਾ ਭੂਰਾ ਨਾ ਹੋ ਜਾਵੇ।

ਇਹ ਪ੍ਰਕਿਰਿਆ ਥੋੜ੍ਹੀ ਥਕਾ ਦੇਣ ਵਾਲੀ ਹੈ। ਇਸ ਨੂੰ ਪੂਰੀ ਤਰ੍ਹਾਂ ਪਕਾਉਣ ਵਿੱਚ ਲਗਭਗ 30 ਮਿੰਟ ਲੱਗਦੇ ਹਨ।
ਹੁਣ ਸੇਕ ਨੂੰ ਬੰਦ ਕਰ ਦਿਓ ਅਤੇ ਇਸ ਨੂੰ ਥੋੜ੍ਹਾ ਠੰਡਾ ਹੋਣ ਦਿਓ। ਹੁਣ ਇਸ ਵਿਚ ਕਾਲੀ ਮਿਰਚ, ਗੂੰਦ, ਪੀਸਿਆ ਹੋਇਆ ਨਾਰੀਅਲ, ਚੀਨੀ, ਬਦਾਮ ਪਾ ਕੇ ਚੰਗੀ ਤਰ੍ਹਾਂ ਮਿਲਾਓ। ਇਸ ਨੂੰ ਹੱਥਾਂ ਨਾਲ ਹੀ ਮਿਲਾਓ।
ਇਸ ਨੂੰ ਛੋਟੇ ਗੋਲ ਲੱਡੂ ਦਾ ਆਕਾਰ ਦਿੰਦੇ ਰਹੋ। ਤੁਸੀਂ ਇਸਨੂੰ ਖਾਣ ਤੋਂ ਪਹਿਲਾਂ 10-12 ਸਕਿੰਟ ਲਈ ਓਵਨ ਵਿੱਚ ਗਰਮ ਕਰ ਸਕਦੇ ਹੋ।
ਇਹ ਗੂੰਦ ਦੇ ਲੱਡੂ ਦੋ ਦਿਨਾਂ ਬਾਅਦ ਆਪਣਾ ਸੁਆਦ ਦਿਖਾਉਂਦੇ ਹਨ, ਇਸ ਲਈ ਇਨ੍ਹਾਂ ਨੂੰ ਬਣਾ ਕੇ ਇੱਕ ਡੱਬੇ ਵਿੱਚ ਰੱਖੋ ਅਤੇ ਦੋ ਦਿਨਾਂ ਬਾਅਦ ਖਾਓ।
ਇਸ ਨੂੰ ਨਿਯਮਿਤ ਰੂਪ ਨਾਲ ਖਾਣ ਦੀ ਕੋਸ਼ਿਸ਼ ਕਰੋ, ਇਸ ਨਾਲ ਤੁਸੀਂ ਸਰਦੀਆਂ ਵਿੱਚ ਬਿਲਕੁਲ ਫਿੱਟ ਰਹੋਗੇ।

HOMEPAGE:-http://PUNJABDIAL.IN