ਟੈਟੂ ਬਣਾਉਣ ਦੇ ਸ਼ੌਕੀਨ ਹੋ ਤਾਂ ਹੋ ਜਾਓ ਸਾਵਧਾਨ, ਹੋ ਸਕਦੀ ਹੈ ਇਹ ਜਾਨਲੇਵਾ ਬੀਮਾਰੀ,

ਉੱਤਰ ਪ੍ਰਦੇਸ਼ ਦੇ ਗਾਜ਼ੀਆਬਾਦ ਤੋਂ ਇੱਕ ਹੈਰਾਨੀਜਨਕ ਮਾਮਲਾ ਸਾਹਮਣੇ ਆਇਆ ਹੈ। ਜਿੱਥੇ ਜ਼ਿਲ੍ਹਾ ਮਹਿਲਾ ਹਸਪਤਾਲ ਵਿੱਚ ਡਿਲੀਵਰੀ ਤੋਂ ਪਹਿਲਾਂ ਕੀਤੀ ਗਈ ਜਾਂਚ ਦੌਰਾਨ ਪਿਛਲੇ ਚਾਰ ਸਾਲਾਂ ਵਿੱਚ ਕਰੀਬ 68 ਔਰਤਾਂ ਐਚਆਈਵੀ ਕਾਊਂਸਲਿੰਗ ਦੌਰਾਨ ਇਨ੍ਹਾਂ ‘ਚੋਂ 20 ਔਰਤਾਂ ਨੇ ਦੱਸਿਆ ਕਿ ਉਨ੍ਹਾਂ ਨੂੰ ਸ਼ੱਕ ਹੈ ਕਿ ਉਨ੍ਹਾਂ ਦੇ ਸਰੀਰ ‘ਤੇ ਟੈਟੂ ਬਣਵਾਉਣ ਕਾਰਨ ਉਨ੍ਹਾਂ ਨੂੰ ਇਨਫੈਕਸ਼ਨ ਹੋ ਗਈ ਹੈ। ਇਨ੍ਹਾਂ ਸਾਰੀਆਂ ਔਰਤਾਂ ਨੇ ਸੜਕ ਦੇ ਕਿਨਾਰੇ ਟੈਟੂ ਬਣਾਉਣ ਵਾਲੇ ਤੋਂ ਟੈਟੂ ਬਣਵਾਏ ਸਨ, ਜਿਸ ਤੋਂ ਬਾਅਦ ਉਨ੍ਹਾਂ ਦੀ ਸਿਹਤ ਵਿਗੜਣ ਲੱਗੀ।

ਜ਼ਿਲ੍ਹਾ ਹਸਪਤਾਲ ਦੇ ਕਾਊਂਸਲਰ ਅਨੁਸਾਰ ਹਰ ਸਾਲ 15 ਤੋਂ 20 ਔਰਤਾਂ ਇਸ ਤਰ੍ਹਾਂ ਸੰਕਰਮਿਤ ਪਾਈਆਂ ਜਾਂਦੀਆਂ ਹਨ, ਹਾਲਾਂਕਿ ਸੰਕਰਮਿਤ ਪਾਈਆਂ ਗਈਆਂ ਸਾਰੀਆਂ ਔਰਤਾਂ ਨੂੰ ਸੁਰੱਖਿਅਤ ਜਣੇਪੇ ਕੀਤੇ ਗਏ ਹਨ। ਮਾਹਿਰਾਂ ਅਨੁਸਾਰ ਟੈਟੂ ਬਣਾਉਣ ਨਾਲ ਇਨਫੈਕਸ਼ਨ ਨਹੀਂ ਹੁੰਦੀ ਪਰ ਜੇਕਰ ਇੱਕ ਹੀ ਸੂਈ ਨਾਲ ਕਈ ਲੋਕ ਟੈਟੂ ਬਣਾਉਂਦੇ ਹਨ ਤਾਂ ਇਨਫੈਕਸ਼ਨ ਦਾ ਖ਼ਤਰਾ ਵੱਧ ਹੁੰਦਾ ਹੈ। ਮਾਹਿਰਾਂ ਦਾ ਕਹਿਣਾ ਹੈ ਕਿ ਜੇਕਰ ਕੋਈ ਟੈਟੂ ਬਣਾਉਣ ਵਾਲਾ ਉਸੇ ਸੂਈ ਦੀ ਦੁਬਾਰਾ ਵਰਤੋਂ ਕਰਦਾ ਹੈ, ਤਾਂ ਇਹ ਐੱਚਆਈਵੀ ਦੇ ਜੋਖਮ ਨੂੰ ਵਧਾ ਸਕਦਾ ਹੈ। ਪਰ ਗਾਜ਼ੀਆਬਾਦ ਵਿੱਚ ਇੱਕੋ ਸਮੇਂ ਇੰਨੀਆਂ ਔਰਤਾਂ ਦੇ ਸੰਕਰਮਿਤ ਹੋਣ ਤੋਂ ਬਾਅਦ ਹਰ ਪਾਸੇ ਇਸ ਦੀ ਚਰਚਾ ਹੋ ਰਹੀ ਹੈ।

ਗਾਜ਼ੀਆਬਾਦ ਦੇ ਮਸ਼ਹੂਰ ਵੈਦ ਡਾਕਟਰ ਖੁਰਾਣਾ ਨੇ ਕਿਹਾ ਕਿ ਟੈਟੂ ਬਣਵਾਉਣ ਨਾਲ ਐੱਚਆਈਵੀ ਜਾਂ ਏਡਜ਼ ਵਰਗੀਆਂ ਲਾਗਾਂ ਫੈਲਣ ਦੀ ਸੰਭਾਵਨਾ ਬਹੁਤ ਘੱਟ ਹੁੰਦੀ ਹੈ। ਉਨ੍ਹਾਂ ਦੱਸਿਆ ਕਿ ਜੇਕਰ ਟੈਟੂ ਬਣਵਾਉਣ ਸਮੇਂ ਸਾਫ਼-ਸਫ਼ਾਈ ਅਤੇ ਸੁਰੱਖਿਅਤ ਉਪਕਰਨਾਂ ਦੀ ਵਰਤੋਂ ਕੀਤੀ ਜਾਵੇ ਤਾਂ ਲਾਗ ਦਾ ਖ਼ਤਰਾ ਲਗਭਗ ਨਾਮੁਮਕਿਨ ਹੋ ਜਾਂਦਾ ਹੈ। ਜ਼ਿਆਦਾਤਰ ਮਾਮਲਿਆਂ ਵਿੱਚ ਸਮੱਸਿਆ ਉਦੋਂ ਪੈਦਾ ਹੁੰਦੀ ਹੈ ਜਦੋਂ ਅਸੁਰੱਖਿਅਤ ਸੂਈਆਂ ਜਾਂ ਦੂਸ਼ਿਤ ਉਪਕਰਨ ਵਰਤੇ ਜਾਂਦੇ ਹਨ। ਡਾਕਟਰ ਖੁਰਾਣਾ ਨੇ ਲੋਕਾਂ ਨੂੰ ਸਾਵਧਾਨ ਰਹਿਣ ਦੀ ਸਲਾਹ ਦਿੰਦਿਆਂ ਕਿਹਾ ਕਿ ਟੈਟੂ ਹਮੇਸ਼ਾ ਪ੍ਰਮਾਣਿਤ ਅਤੇ ਸਾਫ਼-ਸੁਥਰੇ ਟੈਟੂ ਪਾਰਲਰ ਤੋਂ ਹੀ ਬਣਵਾਉਣੇ ਚਾਹੀਦੇ ਹਨ। ਇਸ ਦੇ ਨਾਲ ਹੀ ਇਨਫੈਕਸ਼ਨ ਤੋਂ ਬਚਣ ਲਈ ਟੈਟੂ ਤੋਂ ਬਾਅਦ ਸਹੀ ਦੇਖਭਾਲ ਅਤੇ ਸਫਾਈ ਵੀ ਜ਼ਰੂਰੀ ਹੈ।

HOMEPAGE:-http://PUNJABDIAL.IN