E20 ਪੈਟਰੋਲ ਭਰਨ ਤੋਂ ਪਹਿਲਾਂ ਪੜ੍ਹੋ ਇਹ ਖ਼ਬਰ! “ਕੀੜੀਆਂ, ਜੰਗਾਲ, ਅਤੇ ਇੰਜਣ ਖਰਾਬ” ਦੇ ਦਾਅਵਿਆਂ ਦ ਸੱਚ ਆਇਆ ਸਾਹਮਣੇ

ਸਾਲਾਂ ਦੀ ਟੈਸਟਿੰਗ ਤੋਂ ਬਾਅਦ ਲਾਗੂ ਹੋਇਆ E20

ਪ੍ਰੈਸ ਕਾਨਫਰੰਸ ਵਿੱਚ ਮੌਜੂਦ ਆਟੋਮੋਬਾਈਲ ਕੰਪਨੀ ਦੇ ਅਧਿਕਾਰੀਆਂ ਨੇ ਕਿਹਾ ਕਿ E20 ਪੈਟਰੋਲ ਰੋਲਆਊਟ ਰਾਤੋ-ਰਾਤ ਲਾਗੂ ਨਹੀਂ ਕੀਤਾ ਗਿਆ ਸੀ। ਇਸ ਪ੍ਰੋਗਰਾਮ ਵਿੱਚ ਸਾਲਾਂ ਤੋਂ ਵਿਗਿਆਨਕ ਅਧਿਐਨ, ਖੋਜ ਅਤੇ ਵਿਆਪਕ ਟੈਸਟਿੰਗ ਕੀਤੀ ਜਾ ਰਹੀ ਸੀ। ਇਸ ਤੋਂ ਬਾਅਦ ਹੀ ਸਰਕਾਰ ਨੇ ਇਸਨੂੰ ਦੇਸ਼ ਭਰ ਵਿੱਚ ਪੜਾਅਵਾਰ ਢੰਗ ਨਾਲ ਲਾਗੂ ਕੀਤਾ। ਵਰਤਮਾਨ ਵਿੱਚ, BIS ਮਿਆਰਾਂ ਦੇ ਅਨੁਕੂਲ E20 ਪੈਟਰੋਲ ਦੇਸ਼ ਭਰ ਦੇ 77,000 ਤੋਂ ਵੱਧ ਪੈਟਰੋਲ ਪੰਪਾਂ ‘ਤੇ ਉਪਲਬਧ ਹੈ।

ਪੁਰਾਣੀਆਂ ਗੱਡੀਆਂ ‘ਤੇ ਵੀ ਨਹੀਂ ਮਿਲਿਆ ਨੁਕਸਾਨ ਦਾ ਕੋਈ ਸਬੂਤ

ਮਾਰੂਤੀ ਸੁਜ਼ੂਕੀ ਦੇ ਸੀਨੀਅਰ ਕਾਰਜਕਾਰੀ ਅਧਿਕਾਰੀ (ਕਾਰਪੋਰੇਟ ਮਾਮਲੇ), ਡਾ. ਰਾਹੁਲ ਭਾਰਤੀ ਨੇ ਕਿਹਾ ਕਿ ਕੰਪਨੀ ਨੇ 2023 ਤੋਂ ਪਹਿਲਾਂ ਬਣੀਆਂ E10 ਕਾਰਾਂ ‘ਤੇ E20 ਪੈਟਰੋਲ ਦੀ ਜਾਂਚ ਵੀ ਕੀਤੀ ਹੈ। ਟੈਸਟਿੰਗ ਤੇ ਸੇਵਾ ਨੈੱਟਵਰਕ ਦੇ ਅੰਕੜਿਆਂ ਤੋਂ ਪਤਾ ਲੱਗਾ ਹੈ ਕਿ E20 ਦੇ ਕਾਰਨ ਇੰਜਣ, ਈਂਧਨ ਟੈਂਕ, ਪਾਈਪਲਾਈਨਾਂ ਜਾਂ ਹੋਰ ਹਿੱਸਿਆਂ ਨੂੰ ਕੋਈ ਵਾਧੂ ਨੁਕਸਾਨ ਨਹੀਂ ਹੋਇਆ। ਉਨ੍ਹਾਂ ਅੱਗੇ ਕਿਹਾ ਕਿ ਲੱਖਾਂ ਵਾਹਨਾਂ ਦੀ ਸਰਵਿਸ ਕਰਨ ਤੋਂ ਬਾਅਦ ਵੀ E20 ਨਾਲ ਸਬੰਧਤ ਕੋਈ ਵੀ ਅਸਾਧਾਰਨ ਸ਼ਿਕਾਇਤਾਂ ਦੀ ਰਿਪੋਰਟ ਨਹੀਂ ਕੀਤੀ ਗਈ ਹੈ।

“ਕੀੜੀਆਂ ਲੱਗਣ” ਦਾ ਦਾਅਵਾ ਪੂਰੀ ਤਰ੍ਹਾਂ ਗੁੰਮਰਾਹਕੁੰਨ

ਮਾਹਿਰਾਂ ਨੇ ਸਪੱਸ਼ਟ ਕੀਤਾ ਕਿ ਈਥਾਨੌਲ ਵਿੱਚ ਖੰਡ ਨਹੀਂ ਹੁੰਦੀ। ਇਸ ਲਈ ਪੈਟਰੋਲ ਟੈਂਕ ਵਿੱਚ ਕੀੜੀਆਂ ਦੇ ਲੱਗਣ ਦੇ ਦਾਅਵੇ ਵਿਗਿਆਨਕ ਤੌਰ ‘ਤੇ ਬੇਬੁਨਿਆਦ ਹਨ। ਸੋਸ਼ਲ ਮੀਡੀਆ ‘ਤੇ ਘੁੰਮ ਰਹੇ ਅਜਿਹੇ ਦਾਅਵਿਆਂ ਦਾ ਸਮਰਥਨ ਕਰਨ ਲਈ ਕੋਈ ਸਬੂਤ ਨਹੀਂ ਮਿਲਿਆ ਹੈ। ਟੋਇਟਾ ਕਿਰਲੋਸਕਰ ਦੇ ਅਧਿਕਾਰੀਆਂ ਨੇ ਕਿਹਾ ਕਿ ਵਾਇਰਲ ਘਟਨਾ ਦੀ ਜਾਂਚ ਵਿੱਚ ਈਂਧਨ ਵਿੱਚ ਮਿਲਾਵਟ ਅਤੇ ਪਾਣੀ ਦਾ ਖੁਲਾਸਾ ਹੋਇਆ ਹੈ। ਵਾਹਨ ਵਿੱਚੋਂ ਈਂਧਨ ਕੱਢ ਦਿੱਤਾ ਗਿਆ ਸੀ ਅਤੇ ਟੈਂਕ ਅਤੇ ਈਂਧਨ ਲਾਈਨਾਂ ਨੂੰ ਸਾਫ਼ ਕੀਤਾ ਗਿਆ ਸੀ। ਜਿਸ ਤੋਂ ਬਾਅਦ ਵਾਹਨ ਆਮ ਵਾਂਗ ਚਲਣਾ ਲੱਗ ਪਈ।

ਊਰਜਾ ਸੁਰੱਖਿਆ ਤੇ ਵਾਤਾਵਰਣ ਲਈ ਮਹੱਤਵਪੂਰਨ ਕਦਮ

ਮਾਹਿਰਾਂ ਦੇ ਅਨੁਸਾਰ, E20 ਪ੍ਰੋਗਰਾਮ ਦਾ ਉਦੇਸ਼ ਕੱਚੇ ਤੇਲ ਦੀ ਦਰਾਮਦ ‘ਤੇ ਭਾਰਤ ਦੀ ਨਿਰਭਰਤਾ ਨੂੰ ਘਟਾਉਣਾ, ਕਾਰਬਨ ਨਿਕਾਸ ਨੂੰ ਘਟਾਉਣਾ ਅਤੇ ਕਿਸਾਨਾਂ ਵਿੱਚ ਈਥਾਨੌਲ ਦੀ ਮੰਗ ਵਧਾਉਣਾ ਹੈ। ਉਨ੍ਹਾਂ ਦਾ ਕਹਿਣਾ ਹੈ ਕਿ ਈਥਾਨੌਲ-ਮਿਸ਼ਰਿਤ ਈਂਧਨ ਸਾਲਾਂ ਤੋਂ ਦੁਨੀਆ ਭਰ ਦੇ ਕਈ ਦੇਸ਼ਾਂ ਵਿੱਚ ਸਫਲਤਾਪੂਰਵਕ ਵਰਤਿਆ ਜਾ ਰਿਹਾ ਹੈ ਅਤੇ ਭਾਰਤ ਵੀ ਇਸ ਦਿਸ਼ਾ ਵਿੱਚ ਅੱਗੇ ਵਧ ਰਿਹਾ ਹੈ।

HOMEPAGE:-http://PUNJABDIAL.IN