ਸੀਰੀਜ਼ ਸ਼ੁਰੂ ਹੋਣ ਤੋਂ ਪਹਿਲਾਂ ਜਸਪ੍ਰੀਤ ਬੁਮਰਾਹ ਬੋਲੇ,’ਸਾਨੂੰ ਕੋਈ ਤਣਾਅ ਨਹੀਂ, ਟੀਮ ਕਿਸੇ ਬੋਝ ਹੇਠ ਨਹੀਂ

ਆਸਟ੍ਰੇਲੀਆ ਖਿਲਾਫ ਚੁਣੌਤੀਪੂਰਨ ਟੈਸਟ ਸੀਰੀਜ਼ ਤੋਂ ਪਹਿਲਾਂ ਭਾਰਤ ਦੇ ਕਾਰਜਕਾਰੀ ਕਪਤਾਨ ਜਸਪ੍ਰੀਤ ਬੁਮਰਾਹ (Jasprit Bumrah) ਨੇ ਵੀਰਵਾਰ ਨੂੰ ਕਿਹਾ ਕਿ ਉਨ੍ਹਾਂ ਦੀ ਟੀਮ ਨਿਊਜ਼ੀਲੈਂਡ ਤੋਂ ਘਰੇਲੂ ਸੀਰੀਜ਼ ‘ਚ 0-3 ਦੀ ਹਾਰ ਦਾ ਬੋਝ ਲੈ ਕੇ ਇੱਥੇ ਨਹੀਂ ਆਈ ਹੈ। ਪੰਜ ਮੈਚਾਂ ਦੀ ਬਾਰਡਰ ਗਾਵਸਕਰ ਟਰਾਫੀ ਸੀਰੀਜ਼ ਸ਼ੁੱਕਰਵਾਰ ਤੋਂ ਇੱਥੇ ਸ਼ੁਰੂ ਹੋਵੇਗੀ। ਪਹਿਲੇ ਟੈਸਟ ਵਿੱਚ ਰੋਹਿਤ ਸ਼ਰਮਾ ਸ਼ਾਮਲ ਨਹੀਂ ਹੋਣਗੇ, ਉਨ੍ਹਾਂ ਦੀ ਥਾਂ ਕਪਤਾਨੀ ਕਰ ਰਹੇ ਬੁਮਰਾਹ (Jasprit Bumrah) ਨੇ ਕਿਹਾ, ‘ਜਦੋਂ ਤੁਸੀਂ ਜਿੱਤਦੇ ਹੋ ਤਾਂ ਜ਼ੀਰੋ ਤੋਂ ਸ਼ੁਰੂਆਤ ਕਰਦੇ ਹੋ ਪਰ ਜਦੋਂ ਹਾਰਦੇ ਹੋ ਤਾਂ ਵੀ ਅਜਿਹਾ ਹੀ ਕਰਦੇ ਹੋ। ਅਸੀਂ ਭਾਰਤ ਤੋਂ ਕੋਈ ਬੋਝ ਲੈ ਕੇ ਨਹੀਂ ਆਏ ਤੇ ਸਨੂੰ ਕੋਈ ਤਣਾਅ ਨਹੀਂ ਹੈ। ਅਸੀਂ ਨਿਊਜ਼ੀਲੈਂਡ ਸੀਰੀਜ਼ ਤੋਂ ਸਬਕ ਸਿੱਖਿਆ ਹੈ ਪਰ ਇੱਥੇ ਹਾਲਾਤ ਵੱਖਰੇ ਹਨ ਅਤੇ ਇੱਥੇ ਸਾਡੇ ਨਤੀਜੇ ਵੱਖਰੇ ਰਹੇ ਹਨ।’ ਉਨ੍ਹਾਂ ਨੇ ਕਿਹਾ, ‘ਅਸੀਂ ਅੰਤਿਮ ਗਿਆਰਾਂ ਦਾ ਫੈਸਲਾ ਕਰ ਲਿਆ ਹੈ ਅਤੇ ਤੁਹਾਨੂੰ ਸਵੇਰੇ ਮੈਚ ਤੋਂ ਪਹਿਲਾਂ ਪਤਾ ਲੱਗ ਜਾਵੇਗਾ।’

ਆਸਟ੍ਰੇਲੀਆਈ ਕਪਤਾਨ ਪੈਟ ਕਮਿੰਸ (Pat Cummins) ਨੇ ਵੀਰਵਾਰ ਨੂੰ ਕਿਹਾ ਕਿ ਪੁਰਾਣੇ ਵਿਰੋਧੀ ਭਾਰਤ ਦੇ ਖਿਲਾਫ ਬਾਰਡਰ-ਗਾਵਸਕਰ ਟਰਾਫੀ ਬਹੁਤ ਮਜ਼ੇਦਾਰ ਹੋਣ ਵਾਲੀ ਹੈ ਕਿਉਂਕਿ ਦੋਵੇਂ ਕ੍ਰਿਕਟ ਦੇ ਦਿੱਗਜ ਚਾਰ ਦੀ ਬਜਾਏ ਪੰਜ ਟੈਸਟ ਮੈਚ ਖੇਡਣਗੇ। ਆਸਟ੍ਰੇਲੀਆ ਦੀਆਂ ਨਜ਼ਰਾਂ ਪਿਛਲੀਆਂ ਦੋ ਸੀਰੀਜ਼ ‘ਚ ਮਿਲੀ ਹਾਰ ਦਾ ਬਦਲਾ ਲੈਣ ‘ਤੇ ਹੋਣਗੀਆਂ। ਕਮਿੰਸ (Pat Cummins) ਨੇ ਪਹਿਲੇ ਮੈਚ ਤੋਂ ਪਹਿਲਾਂ ਪ੍ਰੈੱਸ ਕਾਨਫਰੰਸ ‘ਚ ਕਿਹਾ, ‘ਬਾਰਡਰ ਗਾਵਸਕਰ ਟਰਾਫੀ ਹਮੇਸ਼ਾ ਹੀ ਬਹੁਤ ਚੁਣੌਤੀਪੂਰਨ ਹੁੰਦੀ ਹੈ। ਪੰਜ ਟੈਸਟ ਮੈਚਾਂ ਦੀ ਸੀਰੀਜ਼ ਹੋਰ ਵੀ ਮੁਕਾਬਲੇ ਵਾਲੀ ਹੋਵੇਗੀ।’ ਆਸਟ੍ਰੇਲੀਆਈ ਕਪਤਾਨ ਨੇ ਮੰਨਿਆ ਕਿ ਉਸ ਦੀ ਟੀਮ ‘ਤੇ ਦਬਾਅ ਰਹੇਗਾ, ਜੋ ਭਾਰਤ ਤੋਂ ਪਿਛਲੀਆਂ ਚਾਰ ਟੈਸਟ ਸੀਰੀਜ਼ ਹਾਰ ਚੁੱਕੀ ਹੈ। ਉਨ੍ਹਾਂ ਨੇ ਕਿਹਾ, ‘ਘਰੇਲੂ ਮੈਦਾਨ ‘ਤੇ ਖੇਡਦੇ ਹੋਏ ਹਮੇਸ਼ਾ ਦਬਾਅ ਰਹਿੰਦਾ ਹੈ।’

ਉਨ੍ਹਾਂ ਅੱਗੇ ਕਿਹਾ ਕਿ ‘ਭਾਰਤੀ ਟੀਮ ਬਹੁਤ ਪ੍ਰਤਿਭਾਸ਼ਾਲੀ ਹੈ ਅਤੇ ਇਹ ਚੰਗੀ ਚੁਣੌਤੀ ਹੋਵੇਗੀ। ਪਰ ਅਸੀਂ ਬਹੁਤ ਜ਼ਿਆਦਾ ਅੱਗੇ ਦੀ ਨਹੀਂ ਸੋਚ ਰਹੇ ਹਾਂ। ਬਾਰਡਰ ਗਾਵਸਕਰ ਟਰਾਫੀ ਜਿੱਤਣਾ ਬਹੁਤ ਵਧੀਆ ਹੋਵੇਗਾ। ਭਾਰਤੀ ਟੀਮ ਬਹੁਤ ਚੰਗੀ ਹੈ ਪਰ ਸਾਡੀ ਤਿਆਰੀ ਵੀ ਮਜ਼ਬੂਤ ਹੈ।’ ਕਮਿੰਸ (Pat Cummins) ਨੇ ਇਹ ਵੀ ਕਿਹਾ ਕਿ ਨਵੇਂ ਬੱਲੇਬਾਜ਼ ਨਾਥਨ ਮੈਕਸਵੀਨੀ ਨੂੰ ਡੇਵਿਡ ਵਾਰਨਰ ਦੀ ਨਕਲ ਕਰਨ ਦੀ ਬਜਾਏ ਆਪਣੀ ਕੁਦਰਤੀ ਖੇਡ ਦਿਖਾਉਣੀ ਹੋਵੇਗੀ। ਵਾਰਨਰ ਨੇ ਇਸ ਸਾਲ ਦੇ ਸ਼ੁਰੂ ਵਿੱਚ ਅੰਤਰਰਾਸ਼ਟਰੀ ਕ੍ਰਿਕਟ ਤੋਂ ਸੰਨਿਆਸ ਲੈ ਲਿਆ ਸੀ। ਕਮਿੰਸ ਨੇ ਕਿਹਾ, ‘ਉਨ੍ਹਾਂ ਨੂੰ ਆਪਣੀ ਕੁਦਰਤੀ ਖੇਡ ਦਿਖਾਉਣੀ ਪਵੇਗੀ। ਡੇਵਿਡ ਵਾਰਨਰ ਵਾਂਗ ਖੇਡਣ ਦੀ ਕੋਸ਼ਿਸ਼ ਨਹੀਂ ਕਰਨੀ ਚਾਹੀਦੀ।

HOMEPAGE:-http://PUNJABDIAL.IN